||Orange Madeleines||

"

تحتاجين إلى :
 75 غرام زبدة
ثلاث أرباع كوب دقيق أبيض
ملعقة صغيرة بيكنق باودر
نصف ملعقة صغيرة ملح
بيضتين، درجة حرارة الغرفة
نصف كوب سكر أبيض
ملعقة صغيرة مستخلص الفانيلا
ملعقة ونص كبيرة من عصير البرتقال
ملعقتين كبيرة عسل
بشر برتقالة وحدة



الطريقه : ذوبي الزبده على النار لما تطلع فقاعات ..بس انتبهي لاتحترق .. اتركيها على جنب تبرد وكملي باقي الخطوات .. وممكن تحطينها في الثلاجه شوي 

اخلطي البيض والسكر والفانيلا وبشر البرتقال .. وعصير البرتقال.. ثم انخلي الدقيق والبكينج باودر والملح واضيفه عليهم ..

اخلطي بالملعقه .. بعد كذا اضيفي الزبده والعسل 




 كذا يكون قوام الكيك  قبل تدخلينه الثلاجه
واتركيها تبرد في الثلاجه نص ساعه او اكثر .. 




ودخليها الفرن على درجه حراره ٢٠٠ لمده ٤ دقايق .. بعدين خفضي الحراره الى١٦٠ درجه مئويه..لمده ٦ دقايق.
 المعروف عن هذا الكيك يكون ..على شكل اصداف .. بس ماعندي وحطيت الموجود :p

وبالعافيه .   

||شاي كرك||

"



هو شاي بالحليب .. ومعه مطيبات .. تقدرون تتحكمون بنوع المطيبات الي تحبونها .. مثلا .. هيل ،فلفل اسود ، مسمار ،زنجبيل ،قرفه .. انا راح اضيف الهيل والقرفه وبودره الزنجبيل .


"
على النار 4 اكواب مويه - ملعقتين كبار  ويكون تلقيمه  شوي زعفران وعود قرفه وحبتين مسمار اتركيهم ع النار 4 دقايق لما يغلي الشاهي ..
اضيفي علبه كامله من الحليب المخبر مثل بوني ووداي فاطمه وغيره ...
4 ملاعق سكر ، هيل .. الهيل خلوه اخر شي لان مايصلح نغليه كثير .

ممكن تضيفيون شوي زنجبيل ،،
ولاتنسون تصفونه او تشخلونه قبل التقديم ..
وبالعافيه :)

|| تشيز كيك ||

"




المقادير :

600 جرام جبن فيلادلفيا
كوب سكر ناعم
بشر ليمون ، تقريبا ملعقه صغيره
م ص فانيلا
4 صفار بيض
4 بياض بيض
ربع كوب كريمه خفق
وممكن نصف علبه قشطه طازجه (اختياري)


"
اخلطي بواسطه (الخلاط اليدوي) : الجبن والسكر والفانيلا وبشر الليمون .. اضيفي صفار البيض على دفعات ..
ثم الكريمه والقشطه ..
اخلطي بياض البيض لحاله لما يصير مثل الكريمه ، واضيفيه على خليط التشيز على دفعات وحركيه بالملعقه لما يختلط .

قاعده البسكوت : كاسين دايجستف مطحون . 100 جرام زبده . ربع كاس جوز بيكان مطحون . م ك سكر بودره 

اخبزيه في الفرن في حمام مائي  على حراره متوسطه مده ساعه ..
ممكن تضيفين معه صوص الفراوله قبل الفرن .. او تتركيه بعد الفرن اثناء التقديم ..












صوص الفرواله ..


 




ثلاث ارباع علبه المربى نفس النوع الي في الصوره .. بنكهه الكرز او التوت . واضيفي معه كاس فراوله مفرومه فرم خشن .. اتركيهم على النار لما تنشف المويه الي تطلع من الفراوله .. وذوقي اذا يحتاج سكر او لا .. انا اضفت ملعقتين سكر بني خشن

وبالعافيه .. ()

||عصير الفراوله والتوت مع العسل||

"

مرحبا "
العصير هذا ثقيل شوي وقريب من السموذي .. 
استخدمت العسل والسكر البني الخشن ، لاني ابيه يكون صحي ،، فـ انتي لك حريه بـ اختيار الحلا 
وبالنسبه للعسل يفضل يكون طبيعي ١٠٠٪ مو تجيبون النوع الرخيص الي طعمه ماادري وش يبي

المقادير : علبه فراوله .. 
علبه راز بيري"توت احمر" .... ولك الحريه تضيفين راز بيري زياده
ليمونه خضراء معصوره
ملعقتين عسل 
ملعقه سكر بني ..
كاس مويه 

اخلطيهم كويس تقريبا دقيقه 
ولاتنسين تذوقين السكر اذا تحتاجين زياده ..

وبالعافيه :*

|| كوكيز||

"

المقادير :

ثلاث ارباع الكاس : سكر بني
كاس طحين"منخول"
٨٠ جرام زبده .. او ثلاث اربع اصبع زبده تقريبا بحراره الغرفه .. لاتذوبونها *
م ص بكنج باودر 
نصف م ص بكينج صودا 
بيضه 
فانيلا
نص كاس تشاكليت شيبس هيرشي . وممكن تستخدمون شيبس بينت بيتر او سينامون او اي نكهه تحبونها 

الطريقه :
اخفقي البيضه لحالها مده دقيقه تقريبا واضيفي الزبده ثم السكر البني .. اخلطيهم لما يمتزج الخليط كويس .
اضيفي باقي المكونات الجافه واخر شي التشوكلت .

سخني الفرن ٢٠٠ درجه مئويه .. مجرد انك تدخلين الكوكيز الفرن نزلي الحراره وخليها ١٦٠ .. على اول رف خليها بعيد عن النار .. 
خليه ١٠ دقايق بالضبظ .. بيكون طري جدا اتركيه لما يبرد .. واسمتمعي بكوكيز طري وهش ولذيذ 

ملاحظه  : صينيه الفرن الي راح تستخدمينها .. ضروري مايكون لونها اسود ..

|| سلطه الجرجير مع الرمان ||

"

  ربطه جرجير  ، رمانه 
اخلطوهم سوا .. بدون ماتقطعون الجرجير .. 

الصوص: ٢م ك دبس رمان ، م ك زيت زيتون ، م ك عصير ليمونه .. 
ممكن تضيفون معه شوي ثوم باودر وفلفل اسود انا مااضفتهم

وبالعافيه .

||ساندويتش تونه||

يسعد لي ايامكم ي الصحيين والدبيين الي يبون ينحفون .. "






  للساندويتش  تونا
الخبز من لولو هايبر - نوع التونه ريو ماري بـ زيت الزيتون
"









اخلطي التونه مع "م ص خردل ، اوريقانو ، نصف م ص بيستو الريحان ،فلفل حار ، م ص صوص فرنسي او رانش او مايونيز لايت .. الي تحبين "
واضيفي الخس المرجاني اخذته من لولو




وبالعافيه ..

||سآندويتش الأجبان||

الوصفه هذي سريعه ولذيذه وسهله .. 
وماتحتاح فرن ولاشي وتفك ازمه الجوع  :p 
تنفع ساندويتش وتنفع حشوه للفطاير .. 
وحلوه للي يسوون دايت ، 

المقادير:
ممكن تغيرون انواع الاجبان حسب رغبتكم  . 
م ك لبنه لايت - ٢ م ك جبن فيلادلفيا لايت - م ك قشطه طازجه .. م ك جبن سايل اي نوع
وللي مايسوون دايت ممكن يستخدمون الجبنه المالحه الذ 

 م ك فلفل اخضر رومي (مقطع)
م ك فلفل اصفر (مقطع)
م ك فلفل احمر رومي (مقطع)
م ص اوريقانو
م ك زيتون بزيت الزيتون الحار
نصف ملعقه صغيره نعناع مجفف

اخلطيهم ورشي عليهم فلفل احمر مطحون حااار 
وقدميها مع خبز محمص .. 
واستمتعي ، 

*هذي الوصفه اخذتها من حلم في منتدى اقلاع. مع بعض التغييرات مني

|| بطاطا مهروسه مع الجبن والماشروم ||

المقادير :

٤ بطاطس حجم وسط "مسلوقه"
ربع كاس كريمه خفق
١٠ جرام زبده
م ك زيتون بزيت الزيتون الحار
م ك جبن سايل
فلفل اسود - ملح

اهرسي البطاطس واخلطي معها المكونات السابقه ..

الحين نجهز خلطه الفطر
المقادير ..:
علبه كامله فطر طازج
نصف كاس كريمه خفق "او اكثر حسب رغبتك"
فلفل حار
ملح
فلفل اسود
زبده

قطعي الفطر واحمسيه بالزبده .. واضيفي الملح والفلفل الحار والاسود .. واتركيه لما يذبل وتطلع ريحته وتنشف مويته شوي ..
بعد كذا اضيفي كريمه الخفق .. لما تسخن
انا خليتها سبايسي

قدمي البطاطس في كاسات وفوقها خلطه الماشروم .. وشوي جبن سايل ورشي اوريقانو ،، وسخنيه في الماكرويف عشان يذوب الجبن ..


واستمتعوا ()

|| مربعات الشوكولا وجوز البيكان ||

هذا الشي عباره عن ٣ طبقات .. 

 الطبقة السفلية:
• 1 كوب من الدقيق
• 6 ملاعق طعام من الزبدة
• 3 ملاعق طعام من السكر البني
• ½ ملعقة صغيرة من البيكنج باودر
• 1 بيضة كبيرة
• ½ ملعقة صغيرة من الفانيليا
الطبقة الوسطى:
• ⅓1 كوب من رقائق الشوكولاتة
الطبقة العلوية:
• 2 بيضة كبيرة << انا اضفت بيضه وحده
• ½ كوب من السكر
• ¼ كوب من الزبدة
• 2 ملعقة صغيرة من الفانيليا
• ¾ كوب من الجوز، مقطع إلى قطع صغيرة


الطريقه .. : نخلط مقادير الطبقه السفليه .. ويصير الخليط متفتت .. ونرصه بصينيه مبطنه بورق زبده .. 
ويفضل تكون الصينيه مربعه وحجمها وسط  تقريبا ٢٢ سم ..
ندخلها الفرن ١٠ دقايق فقط .. على حراره متوسطه 

اذا طلعتيها من الفرن اضيفي التشوكلت ،، 

واتركيها لما تذوب التشوكلت ،، انا استخدمت " شيبسهيرشي"
اخلطي مقادير الطبقه العلويه .. واخر شي اضيفي الجوز .. ،، وصبيها على التشوكلت ودخليها الفرن مره ثانيه ٢٥-٣٠ دقيقه .. 
اتركيها تبرد وقطعيها ،، 

وبالعافيه ()

||تروفلز||

اخيرا ضبط معي .. كنت اول اسويه بالجالكسي .. ويصير كآنه هت تشوكلت .. :\ 
بس استفدت من الاخوات الشيفات :p الي قالوا ،، لازم نسبه الكاكاو تكون ٧٠ بالميه فما فوق .. 
انا استخدمت تشوكلت ليندت ،، رائعه وطعمها حلو ،، بس اهم شي نسبه التشوكلت تكون من ٧٠ فما فوق ،، 
استخدمت دارك تشوكلت ،، لكن للأسف مررره بزياده ،، ممكن تضيفون سكر .. او تخلطون تشوكلت بالحليب ،، 

المقادير والطريقه : 

نص كاس كريمه خفق 
نص كاس تشوكلت مبشور او مقطع قطع صغيره .. 
نسخن الكريمه ..وقبل مرحله الغليان نطفي النار ونضيف التشوكلت .. ونحرك لما تذوب ،، ممكن تزيدون كميه التشوكلت لو تحبون مثلا تخلونها ثلاث ارباع الكوب  .. 
ممكن تضيفين معها قطع من الكوكيز آو الاوريو  :*

"
بعد ماتذوب التشوكلت .. ندخلها الفريزر شوي ،، ونشيل وندحرج بالكاكاو البودره ،،
بالنسبه للكاكاو البودره .. استخدمت شركه "كادبوري وخلطت معه شوي سكر بودره "
وبالعافيه :*

|| كيكه التمر ||

"

كيكه التمر "صحيه"

المقادير :
كاس طحين بر 
بيضتين 
ثلاث ارباع كاس مويه 
نص كاس زيت 
١٥ حبه تمر مقسمه الى نصفين
ربع كاس سكر بني 
م ك بكنج باودر 
م ص سينمون 
م ص بكنج صودا .. 

الطريقه:
  نخلط المقادير الجافه مع بعض والسايله مع بعض الخلاط ومعهم التمر .. 
اضيفي الخليط السائل وحركي بالملعقه ..
صبيه في الصينيه واضيفي قطع من التمر .. .. 


للتزيين للي مو صحيين ..:p .. توفي + جبن كيري مع نستله .. + جوز البكان .. 

() وبالعافيه

|| دقوس الفلفل الأحمــر ||

الفلفل الأحمر 

ممكن تستخدمين اي نوع فلفل حار ،، بس يكون لونه احمر ،،
انا استخدمت هذا النوع ،، https://encrypted-tbn0.google.com/images?q=tbn:ANd9GcQ5vOeXGgpnSVURraGng_fej1KLdrhyV6OxHPzWUsNMoC6rvlP9BQ
ولك الحريه بعدد حبات الفلفل .. انا اخذت تقريبا قد قبضه اليد
اخذت الطريقه .. من الشمس الزرقاء في منتدى اقلاع ..بس عدلت شوي تعديلات لاتذكر

نجي للمقادير : فلفل احمر حار مقطع صغار
٢ فلفل رومي احمر حجم وسط مقطعه صغار
فص ثوم
نص علبه صلصه
عصير ليمونه
خل
ملح
م ص كركم
نص م ص شمر


"الطريقه .. احمسي الثوم والشمر والكركم بشوي زيت زيتون ،،  .. ثم اضيفي كل المكونات .. وخلي مويتها تنشف
اخلطيها بالخلاط ..شوي لاتطولين
غطيه بزيت الزيتون ،، واتركيه يبرد

وبالعافيه ()

|| مهلبــــيه ||

المقادير والطريقه :

كاس ونص حليب بارد
ثلاث ارباع كاس مويه
ملعقتين الى ٣ .. نشا
ذره من الهيل والزعفران شي بسيييييط
ملعقتين كبيره ومليانه من السكر
نخلطهم على النار لما تبدا تثقل ،،
 صبيها بالكاسات ورشي عليها لوز وفستق ،،

|| دجاج بالكريمه ||

"

هذي الوصفه اخذتها من (صبر ياصبر ) عضوه في منتديات اقلاع .. 

سهله ولذيذه وكل البيت يحبها ،، 

ممكن تتقدم مع رز ابيض ،، آو خبز ،، 

المقادير :

دجاجه مقطعه ٨ او ١٢ قطعه 

بطاطس مقطع حلقات

فطر طازج مقطع شرايح وتحمسينه بزبده وشوي ملح

مقادير الصوص : 

- 4 ملاعق صويا صوص
- نص كوب مآيونيـز
- نص كوب مرقه الدجآج (  المرقه الي سلقنا فيها الدجاج )
- نص كوب كريمه خفق
- نص علبه زبآدي
- ملعقه صغيره فلفل أسود واي بهار تحبينه+ ملح
- فص ثوم مهروس

الطريقه : تسلقين الدجاج واضيفي معه فلفل اسود وكمون وملعقه خل  وملح وحبه هيل ومسمار ودارسين ،، 

رصي البطاطس والفطر في الصينيه ،، ثم اضيفي الدجاج بعد مايستوي ،، واخر شي صبي عليه الصوص .. 

ممكن تزينيه بشرايح الفطر او البطاطس .. 

دخليه الفرن يسخن ويتحمر من فوق .. 

وبالعافيه ،،

"
 

|| قطايف مالحه بالدجاج ||

"
مرحبآ ،،
طبق اليوم ،، طريقته تشبه القطايف .. وطعمه يشبه الكريب المالح ..



نحتاج للعجينه:
كاس مويه و ٣ ملاعق حليب بودره - او كاس حليب سايل
فنجال زيت
نص م ص خميره
نص م ص سكر
ذره ملح
كاس وثلث دقيق

تعجنينها ويصير قوامها سايل مثل البان كيك ،، اتركيها تتخمر نص ساعه واخبزيها على صاج مع جهه وحده بس

 الحشوه :

بصله مقطعه صغار
جزره مبشوره
كيس دجاج مفروم
حبه ماجي - ملح وفلفل اسود
بعد ماتستوي طفي النار واضيفي علبه صغيره جبن تشدر مبشور

"
اخبزي العجين على جهه وحده بس بس ماتصير حمراء من تحت ارفعيها عن النار واتركيها تبرد
ادهني الجهه البيضاء بالجبن السايل واضيفي الحشوه ،، واضغطي الاطراف راح تتقفل
اغمسيها في بيض وبقسماط..
 البقسماط ،، :
نص كاس جريش مطحون - نص كاس شوفان مطحون - نص كاس طحين بر - نص كاس طحين ابيض -كاسين بقسماط - وبهريه بـ ملح وفلفل اسود وكركم - بهارات مشكله ،، اخلطيهم سوا وغمسيها فيها بعد الحليب ،،
واقليها ..

قدميها مع الصوص الحار ،، وبالعافيه ..

||  Green Sauce  ||

كاس فلفل اخضر صغير حار ،، وربع كاس فلفل احمر صغير حار ،، ٢ فلفل اخضر رومي
ملح - عصير ليمونه - ربع كاس خل - شوي زيت زيتون .. اخلطيهم في الخلاط  واتركيها على نار هاديه لما تنشف مويته .. اضيفي زيت الزيتون لما يغطيه ،، وقدميه بارد
*حار جدا