|| قطايف مالحه بالدجاج ||

"
مرحبآ ،،
طبق اليوم ،، طريقته تشبه القطايف .. وطعمه يشبه الكريب المالح ..



نحتاج للعجينه:
كاس مويه و ٣ ملاعق حليب بودره - او كاس حليب سايل
فنجال زيت
نص م ص خميره
نص م ص سكر
ذره ملح
كاس وثلث دقيق

تعجنينها ويصير قوامها سايل مثل البان كيك ،، اتركيها تتخمر نص ساعه واخبزيها على صاج مع جهه وحده بس

 الحشوه :

بصله مقطعه صغار
جزره مبشوره
كيس دجاج مفروم
حبه ماجي - ملح وفلفل اسود
بعد ماتستوي طفي النار واضيفي علبه صغيره جبن تشدر مبشور

"
اخبزي العجين على جهه وحده بس بس ماتصير حمراء من تحت ارفعيها عن النار واتركيها تبرد
ادهني الجهه البيضاء بالجبن السايل واضيفي الحشوه ،، واضغطي الاطراف راح تتقفل
اغمسيها في بيض وبقسماط..
 البقسماط ،، :
نص كاس جريش مطحون - نص كاس شوفان مطحون - نص كاس طحين بر - نص كاس طحين ابيض -كاسين بقسماط - وبهريه بـ ملح وفلفل اسود وكركم - بهارات مشكله ،، اخلطيهم سوا وغمسيها فيها بعد الحليب ،،
واقليها ..

قدميها مع الصوص الحار ،، وبالعافيه ..

||  Green Sauce  ||

كاس فلفل اخضر صغير حار ،، وربع كاس فلفل احمر صغير حار ،، ٢ فلفل اخضر رومي
ملح - عصير ليمونه - ربع كاس خل - شوي زيت زيتون .. اخلطيهم في الخلاط  واتركيها على نار هاديه لما تنشف مويته .. اضيفي زيت الزيتون لما يغطيه ،، وقدميه بارد
*حار جدا