علبه زبادي
فص ثوم
م ك مايونيز مازولا بالفلفل الحار
م ك بصل اخضر مفروم
٢ م ك فلفل رومي مقطع
رشه اوريقانو
٢ م ك عصير ليمون
م ك خل
م ك فلفل الهلابينو مفروم
اخلطيهم وزينيه بالفلفل الملون والهلابينو والبصل الأخضر .
وبالعافيه
الأحد، 31 مارس 2013
|| Jalapeno Dip ||
علبه زبادي
فص ثوم
م ك مايونيز مازولا بالفلفل الحار
م ك بصل اخضر مفروم
٢ م ك فلفل رومي مقطع
رشه اوريقانو
٢ م ك عصير ليمون
م ك خل
م ك فلفل الهلابينو مفروم
اخلطيهم وزينيه بالفلفل الملون والهلابينو والبصل الأخضر .
وبالعافيه
الخميس، 28 مارس 2013
|| مصابيب ||
"
بقول لكم شي قبل اتكلم عن الصبيب .. أمي تقول .. اذا كنتوآ بتصلحونه على الصآج تختلف العجينه عن آله البآن كيك
لما تكون على الصآج لازم تكون غليضه شوي عشآن تتشكل .. لكن لما تكون على آله البآن كلك تصير سآيله شوي عشآن تصير رقيقه ومقرمشه وماتصير مليآنه عجين ..
المقآدير والطريقه مع بعض:
بيضه
شوي ملح
بصل اخضر أو بصل عآدي مقطع صغار مررره
بقدونس< حسب الرغبه
كآس ونص مويه
كآس وربع طحين
اخلطي المقادير مع بعض وبس
اذا احتجتي كميه اكبر شوي عادي زيدي مويه ودقيق بس
هذي المقادير لـ اله البان كيك .. ولو تزيدين ربع كاس مويه بتصير احلا ..
للتغميس :
نص كآس مويه
فنجآل سكر أو بياله دبس أو عسل < انا افضل الدبس
2 م ك زبده
م ص فلفل اسود
م ص كمون
اخلطيهم سوا وخليها على النار لما تسخن وصبيها عليه ..
او ممكن تكتفون بالعسل بس ،على حسب رغبتكم.
أو قدميها مع البصل :
بصل محموس بزبده مع كمون وفلفل اسود وملح وكثري الزبده
الأربعاء، 27 مارس 2013
||مكرونه جامبو شيلز باللحم والجبن ، وأخرى بالدجاج والخضار ||
نحتاج إلى :٢٤ حبه من مكرونه جامبو شيلز ، كيلو ونص لحم مفروم ، بصله متوسطه ، فصين ثوم ، صلصه طماطم
بهارات حسب الرغبه انا استخدمت : "ورق الكاري مجفف ، رشه من الكمون والفلفل الاسود ، م ص من الكزبره الناشفه م ص كاري ، م ص بهارات التندوري "
اجبان : موزريلا ، قشقوان ، تشيدر صفراء ، بارميزان ،، ممكن تكتفين بنوعين ، ويفضل تكون كل الانواع طازجه بالكيلو مو مجمده .
كاسين كريمه خفق ، اوريقانو
م ك بصل اخضر ، م ك بقدونس للتزيين
الطريقه : يحمس البصل ثم يضاف عليه اللحم والثوم والبهارات عدا الملح اذا قرب من الاستواء اضيفي عليه صلصله الطماطم واضيفي الملح بعد ماتذوقينه لان الطماطم مالحه ..
اسلقي المكرونه مع شوي زيت .. وصفيها من المويه بعد الاستواء واغسليها بمويه بارده
اخلطي الاجبان مع بعض واضيفي معهم م ك اوريقانو
على نار هاديه سخني كريمه الخفق مع اضافه الفلفل الاسود والملح وشوي من البقدونس المجفف او الطازج والاوريقانو
..
احشي قواقع المكرونه بملعقه كبيره من الجبن . ثم ملعقه كبيره من اللحم صفيها بالصينيه وغطيها بباقي الجبن الي خلطتيه مسبقا .. ثم صبي عليه كريمه الخفق الي سخنتيها ع النار زينيها بالبصل الاخضر والبقدونس .. واتركيها في الفرن لما تسخن وتثقل كريمه الخفق .. واستمتعي بألذ وجبه .
الطريقه الثانيه بالخضار والدجاج .. تقريبا نفس الخطوات .. بس التغيير في الحشوه فقط .
الحشوه عباره عن .. ٣ صدور دجاج مقطع مكعبات .. احمسيه مع بصله متوسطه وفصين ثوم واضيفي م ك خل . بعد مااستوى الدجاج اضفت الخضار .. عباره عن حبتين كوسه مقليه - ٢ باذنجان حجم وسط مقلي - فلفل رومي لون برتقالي او احمر او اصفر لاتضيفين الاخضر لان طعمه يتغير في الطبخ قلبيهم على نار هاديه ثم اضيفي البهارات .
البهارات .. على حسب رغبتك انا استخدمت (( بهارات خاصه بالدجاج - كركم - فلفل احمر حار بودره - ورق الكاري - فلفل احمر حار حب - كزبره ناشفه - فلفل اسود - كمون ))
اضيفي صلصله الطماطم الحجم الصغير وملعقتين كبار من صلصله البيتزا .. ثم اضفت الملح في الاخير واتركيهم لما تنشف مويه الطماطم
احشي المكرونه بالجبن .. ثم بالحشوه .. وصفيها بالصينيه نفس الطريقه السابقه .. اضيفي الجبن ثم كريمه الخفق علبه صغيره .. وغطيها بالجبن من فوق الكميه حسب رغبتك .
واتركيها في الفرن لما تثقل كريمه الخفق ويذوب الجبن وزينيها بالبصل الاخضر والبقدونس ..
وبالعافيه .
الاثنين، 4 مارس 2013
||سمبوسه بالجبن والفلفل & سمبوسه بالبطاطس والتونه||
كنت مسويه هذي السمبوسه خصيصا لرمضان ،،
بس اعتبروها لرمضان الجاي ههههه ..:P
|| سمبوسه بالجبن "سبايسي " و وسمبوسه بالبطاطس والتونه ||
"
نبدأ بـ سمبوسه الجبن
نحتاج إلى :
علبه كبيره جبن تشيدر و"ممكن تزيدين اذا حابه"
كاس ونص جبنه موزريلا فريش مبشوره
٣ حبات فلفل رومي ملون ، اي لون تحبون اخضر احمر اصفر برتقالي قطعيها وصفيها من السوائل.
كاس زيتون اخضر واسود "مقطع".
ولاتنسين رشه فلفل اسود ورشه بسيطه ملح وفلفل حار ، حلالتها وهي سبايسي
اخلطيهم واحشيها برقائق السمبوسه ونوعها سويتز ، بعد كذا اغمسيها في لبن ودقيق ..
"
سمبوسه البطاطس بالتونه
نحتاج إلــى:
٣ حبات بطاطس مسلوقه
علبه تونه
بصله متوسطه مفرومه
جزر مبشور "حبه كبيره"
فلفل اسود، ملح ، كاري ، ماجي
احمسي البصل والجزر واضيفي مكعب ماجي والبهارات .. ابشري البطاطس وقلبيه مع البصل والجزر واضيفي التونه بدون الزيت
احشي السمبوسه ، وغمسيها في البيض والبقسماط .
وبالعااااافيه :)
الجمعة، 1 مارس 2013
|| مخلل الفلفل ، والفلفل بالخضار ||
"
لعمل مخلل الفلفل نحتاج إلى : فلفل أحمر أو اخضر حسب الرغبه ، نصف كاس مويه ،نصف كاس خل . م ص ملح
الطريقه : قطعي الفلفل ولاتنسين تلبسين قفازات ()Gloves() وطلعي البذور لو تبين تخففين حرارته .. واضيفيه مع المويه والخل والملح وخليه ع النار لما يذبل الفلفل شوي .. تقريبا ٣ دقايق ..
بعد كذا اضيفي معه قطع ليمون أو ثوم واحفظيه في برطمان زجاجي .. وغطيه بزيت الزيتون
""
"
مخلل الفلفل والخضار
الفلفل هو المكون الاساسي ،، والخضار مجرد اضافه نكهه ، وتقدرين تتحكمين في الخضار الي تحبينها وتضيفين اي شي تحبينه ،،
نحتاج إلى : ملعقتين كبار من الجزر المبشور ، كوسه صغيره مبشوره ، شريحه من الفلفل الاحمر الرومي والاصفر والاخضر وتقطع حسب الرغبه ، فلفل أحمر حار تقريبا نصف كاس بدون البذور لو تحبين حرارته خفيفه
اطبخيهم مع الخل والمويه والملح لما يذبل .
واضيفيه في البرطمان الزجاجي ولاتنسين قطع الثوم وغطيه بزيت الزيتون ..
ممكن تضيفين حبوب الخردل أو يانسون
وبالعافيه :*
الاشتراك في:
الرسائل (Atom)