|| مهلبــــيه ||

المقادير والطريقه :

كاس ونص حليب بارد
ثلاث ارباع كاس مويه
ملعقتين الى ٣ .. نشا
ذره من الهيل والزعفران شي بسيييييط
ملعقتين كبيره ومليانه من السكر
نخلطهم على النار لما تبدا تثقل ،،
 صبيها بالكاسات ورشي عليها لوز وفستق ،،

|| دجاج بالكريمه ||

"

هذي الوصفه اخذتها من (صبر ياصبر ) عضوه في منتديات اقلاع .. 

سهله ولذيذه وكل البيت يحبها ،، 

ممكن تتقدم مع رز ابيض ،، آو خبز ،، 

المقادير :

دجاجه مقطعه ٨ او ١٢ قطعه 

بطاطس مقطع حلقات

فطر طازج مقطع شرايح وتحمسينه بزبده وشوي ملح

مقادير الصوص : 

- 4 ملاعق صويا صوص
- نص كوب مآيونيـز
- نص كوب مرقه الدجآج (  المرقه الي سلقنا فيها الدجاج )
- نص كوب كريمه خفق
- نص علبه زبآدي
- ملعقه صغيره فلفل أسود واي بهار تحبينه+ ملح
- فص ثوم مهروس

الطريقه : تسلقين الدجاج واضيفي معه فلفل اسود وكمون وملعقه خل  وملح وحبه هيل ومسمار ودارسين ،، 

رصي البطاطس والفطر في الصينيه ،، ثم اضيفي الدجاج بعد مايستوي ،، واخر شي صبي عليه الصوص .. 

ممكن تزينيه بشرايح الفطر او البطاطس .. 

دخليه الفرن يسخن ويتحمر من فوق .. 

وبالعافيه ،،

"
 

|| قطايف مالحه بالدجاج ||

"
مرحبآ ،،
طبق اليوم ،، طريقته تشبه القطايف .. وطعمه يشبه الكريب المالح ..



نحتاج للعجينه:
كاس مويه و ٣ ملاعق حليب بودره - او كاس حليب سايل
فنجال زيت
نص م ص خميره
نص م ص سكر
ذره ملح
كاس وثلث دقيق

تعجنينها ويصير قوامها سايل مثل البان كيك ،، اتركيها تتخمر نص ساعه واخبزيها على صاج مع جهه وحده بس

 الحشوه :

بصله مقطعه صغار
جزره مبشوره
كيس دجاج مفروم
حبه ماجي - ملح وفلفل اسود
بعد ماتستوي طفي النار واضيفي علبه صغيره جبن تشدر مبشور

"
اخبزي العجين على جهه وحده بس بس ماتصير حمراء من تحت ارفعيها عن النار واتركيها تبرد
ادهني الجهه البيضاء بالجبن السايل واضيفي الحشوه ،، واضغطي الاطراف راح تتقفل
اغمسيها في بيض وبقسماط..
 البقسماط ،، :
نص كاس جريش مطحون - نص كاس شوفان مطحون - نص كاس طحين بر - نص كاس طحين ابيض -كاسين بقسماط - وبهريه بـ ملح وفلفل اسود وكركم - بهارات مشكله ،، اخلطيهم سوا وغمسيها فيها بعد الحليب ،،
واقليها ..

قدميها مع الصوص الحار ،، وبالعافيه ..

||  Green Sauce  ||

كاس فلفل اخضر صغير حار ،، وربع كاس فلفل احمر صغير حار ،، ٢ فلفل اخضر رومي
ملح - عصير ليمونه - ربع كاس خل - شوي زيت زيتون .. اخلطيهم في الخلاط  واتركيها على نار هاديه لما تنشف مويته .. اضيفي زيت الزيتون لما يغطيه ،، وقدميه بارد
*حار جدا

|| ساندويتش دجاج بالقشطه ||

المقادير والطريقه  :



صحن صدور مقطع قطع صغيره
تبلي الدجاج بـ
ملح بالتوابل او ملح عادي
فلفل اسود
كمون
عصير ليمونه
م ك خل
بصله متوسطه .. مبشوره
فص ثوم مبشور
علبه زبادي
اتركيه ساعه تقريبا ،، وسخني التاوه احمسي الدجاج مع خلطة الزبادي لما تنشف

احشي الدجاج بخبز باندور الصامولي ،، حجم صغير .. وصفيه في الصينيه ،،

ادهني الساندويتش على الوجه  بـ ملعقتين قشطه و ملعقه كبيره مليانه جبن .. ملعقتين صوص فرنسي ورانش ،.
رشي عليها اوريقانو وحمريها بالفرن ..

وبالعافيه :*

||برياني الدجاج||

"

المقآدير : دجاجه -بصل- كاسين رز - بهآرات: فلفل اسود ملح كمون كاري بهارات مشكله -مطيبات دآرسسين مسمار هيل - مآجي -لبن او زبادي - كزبره نآشفه او طازجه

 الطريقه:
  تقطعين الدجاج ٨ قطع او ١٢ قطعه وتحمسينه مع البصل والبهارات والكاري مع كزبره ناشفه وماجي  بعد مايبدا يستوي شوي اضيفي نص كاس مويه او اكثر شوي .. مع علبه زبادي اوكاس لبن ..
تتركينه لما يستوي الدجاج والمرق متسبك.. طلعي الدجاج وحمريه بالفرن ..
يسلق الرز نص استوا ثم نحطه في القدر فوق الخلطه الي حطينا الدجاج فيها .. بدون تحريك لما يكتمل النضج على نار هاديه .. ..
ترشين فوقه صفار او شوي زعفران وتغطين القدر وتتركينه لما يستوي ولاتحركينه عشان يصير الرز 3 الوان ..
جمليه بالبصل المقلي والمكسرات المقليه .. 

صوره ثانيه له ،، مع اني كنت محتاره بينهم ..

|| سلطه سيزر||

الكميه هذي تكفي شخص واحد ..:)

قطعي خس واخلطي معه ملعقه زيت زيتون وشوي فلفل اسود ..
قطعي صدور دجاج بالعرض ..يعني يصير شريحتين
وسخني شوي زيت ..وحطي شرايح الدجاج .. اول ماتحطين الدجاج اضيفي الفلفل الاسود والثوم ورشه بسيطه كمون .. وليمون وخل وصويا وبابريكا .. انا احيانا اضيف بهارات دجاج اخر شي اضيفي الملح اذا بدا يستوي ..
واتركيه لما تنشف مويته وتتحمر .. بعدين قطعيه بالشكل الي تحبينه
الصوص: م ك مايونيز .. شوي ليمون .. فلفل اسود .. م ص جبنه بارميزان ..م ص صوص الورشيستر
الخبز المحمص انا اسوي كميه وافرزنه ..
سخني اصبع زبده على نار هاااااااااديه .. مع فصين ثوم مهروسه وملعتين اوريقانو او زعتر ..
ادهني الخبز التوست وقطعيه صغار وحمصيه بالفرن .. كل اصبع زبده يكفي نص كيس خبز توست
اذا حمصتيه خليه يبرد تمااام بعدين فرزني الكميه الزايده ..


بالعافيه ،، :*

||صينيه الدجاج بالفلفل والماشروم ||

لذيذه وسهله وسريعه ،،

 المقادير والطريقه سوا

نقطع صحن صدور دجاج قطع متوسطه .. ونحمسها بشوي زيت وشوي زبده ،،، < الزيت مهم عشان ماتحترق الزبده ،،
نضيف على الدجاج قبل الحمس : م ك خل - م نشا او دقيق - ملح التوابل "مهم" وهو سر النكهه - ٢م بابريكا - فلفل اسود
بهارات خاصه للدجاج (مو مهمه)
* لو تحبينها دسمه ،، تبلي الدجاج بنفس التتبيله غمسيه بالدقيق واقليه ،، تطلع الذ

الاول بهارات الدجاج والثاني ملح بالتوابل
"
في قدر ثاني
اول شي ترا انا استخدم زيت زيتون حلواني الحار ،، الي يصير مع الزيتون .. عرفتوه؟؟ طعمه الذ من العادي
"
المهم
نسخن زيت الزيتون ونحمس بصله صغيره فص او ٢ ثوم وحبه ماجي نقلبها شوي بس بدون مايذبل البصل مره ،،
نضيف الفلفل الملون مقطع شرايح .. ونقلبه مع البصل ع السريع على نار هاديه ،،، ونضيف الفطر الطازج ،، ونقلبهم شوي خمس دقايق ونطفي النار ،،
اقسمي خلطه الفلفل لقسمين ،، الاول اخلطيه مع الدجاج ،، وكاس كريمه خفق او اكثر ،، شوي وقلبيهم وذوقي ملحهم اذا يحتاج زياده او لا ،،
بعدين اضيفيه بالصينيه ،، والطبقه الثانيه بطاطس مقلي ،، والاخيره كميه الفلفل الملون الي قسمناها

 رشي على الوجه جبن موزريلا واوريقانو ،، ودخليها الفرن ربع ساعه لما تسخن ،،واستمتعي بالطعم اللذيذ ،،



بالعافيه ،،

||باستا بصوص الفلفل الأحمر المشوي والجمبري ||

طريقتها سهله ،، وماتاخذ وقت ،،

اولا نشوي ٣ حبات فلفل احمر حجم صغير او وسط ،، على النار او بـ الفرن ،، او اي وسيله تأدي الغرض بس انتبهوا لايصير لونها اسود ،، مجرد انها تذبل وتتحمر شوي
نتركها شوي تبرد ونخلطها بالخلاط

 نحمس ثوم بزيت زيتون ،، وجمبري يفضل يكون جامبو وفريش ،، اما اذا كان صغار ومجمد اغسليه زين ٣ او ٤ مرات واذا حمستيه غيري مويته الي تطلع منه ،، لان الصغار طعمها قووووي
بعد كذا اضيفي الفلفل الاحمر المطحون ،، والفلفل الاسود وملح وريحان ،،او صوص بيستو الاخضر ملعقه صغيره تقريبا
وكاس كريمه خفق او كاس ونص .. لما يغلي الصوص اضيفيه على كيس مكرونه مسلوقه ،،
ورشي فوقها جبن موزريلا ،،

*تنفع بالدجاج

HELLO EVERY BODY

هلا فيكم في مدونتي ..

راح تكون مرجع لـوصفاتي ،، او وصفات جربتها .. 

آتمنى انكم تستفيدون ،، وتستمتعون ..

يله بينا :)