"
نحتاج إلى ..
كاسين فطر طازج مقطع شرائح
كاسين سبانخ مقطعه "فرش او مجمده"
صحن صدور دجاج مقطع مكعبات
250 مل كريمه خفه
ثلث كوب من القشطه الرائبه
بصله متوسطه مقطعه شرائح
4 حبات بطاطس متوسطه الحجم مقطعه
فصين ثوم
التوابل : فلفل اسود ، ملح ، بابريكا ، حبوب الفلفل الاحمر الحار ، كركم ، روز ماري ، بهارات مشكله حسب رغبتك .
اجبان مبشوره متنوعه (بارميزان فريش ، قشقوان ، موزريلا )
"
الطريقه : احمسي البصل بزيت الزيتون واضيفي معه الدجاج بعد مايذبل البصل .. واضيفي التوابل (م ص كركم، فلفل اسود واحمر ، حبوب الفلفل الاحمر ، م ك خل .. وبهاراتك الخاصه ) اتركيه على جنب لما يستوي على نار هاديه ولاتنسين تغطينه
في تاوه ثانيه .. اضيفي زيت الزيتون مع شوي زبده واحمسي الفطر لما تطلع مويته اضيفي معه الفلفل الاسود والملح .. اذا بدت تنشف مويته اضيفي معه السبانخ وقلبيهم لما تذبل .
اذا استوى الدجاج وذبلت السبانخ وصاروا جاهزين .. اخلطيهم مع بعض .. واضيفي كريمه الخفق والقشطه الرائبه .. وارفعي النار شوي مده دقيقه تقريبا لما تغلي الكريمه ..
البطاطس : حسب رغبتك ممكن تسلقينه وممكن تدهنينه بزيت الزيتون وتبهرينه وتتركينه بالفرن لما يستوي ..
انا سلقته قطعته دوائر .. المفروض انه دوائر بس نسيته ع النار وصار مهروس :\
جهزي صينيتك .. واضيفي البطاطس .. ثم حشوه الدجاج والسبانخ .. ثم طبقه بطاطس .. ثم الاجبان .. ورشي عليها اوريقانو ودخليها الفرن واستمتعي .
