||Orange Madeleines||

"

تحتاجين إلى :
 75 غرام زبدة
ثلاث أرباع كوب دقيق أبيض
ملعقة صغيرة بيكنق باودر
نصف ملعقة صغيرة ملح
بيضتين، درجة حرارة الغرفة
نصف كوب سكر أبيض
ملعقة صغيرة مستخلص الفانيلا
ملعقة ونص كبيرة من عصير البرتقال
ملعقتين كبيرة عسل
بشر برتقالة وحدة



الطريقه : ذوبي الزبده على النار لما تطلع فقاعات ..بس انتبهي لاتحترق .. اتركيها على جنب تبرد وكملي باقي الخطوات .. وممكن تحطينها في الثلاجه شوي 

اخلطي البيض والسكر والفانيلا وبشر البرتقال .. وعصير البرتقال.. ثم انخلي الدقيق والبكينج باودر والملح واضيفه عليهم ..

اخلطي بالملعقه .. بعد كذا اضيفي الزبده والعسل 




 كذا يكون قوام الكيك  قبل تدخلينه الثلاجه
واتركيها تبرد في الثلاجه نص ساعه او اكثر .. 




ودخليها الفرن على درجه حراره ٢٠٠ لمده ٤ دقايق .. بعدين خفضي الحراره الى١٦٠ درجه مئويه..لمده ٦ دقايق.
 المعروف عن هذا الكيك يكون ..على شكل اصداف .. بس ماعندي وحطيت الموجود :p

وبالعافيه .   

||شاي كرك||

"



هو شاي بالحليب .. ومعه مطيبات .. تقدرون تتحكمون بنوع المطيبات الي تحبونها .. مثلا .. هيل ،فلفل اسود ، مسمار ،زنجبيل ،قرفه .. انا راح اضيف الهيل والقرفه وبودره الزنجبيل .


"
على النار 4 اكواب مويه - ملعقتين كبار  ويكون تلقيمه  شوي زعفران وعود قرفه وحبتين مسمار اتركيهم ع النار 4 دقايق لما يغلي الشاهي ..
اضيفي علبه كامله من الحليب المخبر مثل بوني ووداي فاطمه وغيره ...
4 ملاعق سكر ، هيل .. الهيل خلوه اخر شي لان مايصلح نغليه كثير .

ممكن تضيفيون شوي زنجبيل ،،
ولاتنسون تصفونه او تشخلونه قبل التقديم ..
وبالعافيه :)

|| تشيز كيك ||

"




المقادير :

600 جرام جبن فيلادلفيا
كوب سكر ناعم
بشر ليمون ، تقريبا ملعقه صغيره
م ص فانيلا
4 صفار بيض
4 بياض بيض
ربع كوب كريمه خفق
وممكن نصف علبه قشطه طازجه (اختياري)


"
اخلطي بواسطه (الخلاط اليدوي) : الجبن والسكر والفانيلا وبشر الليمون .. اضيفي صفار البيض على دفعات ..
ثم الكريمه والقشطه ..
اخلطي بياض البيض لحاله لما يصير مثل الكريمه ، واضيفيه على خليط التشيز على دفعات وحركيه بالملعقه لما يختلط .

قاعده البسكوت : كاسين دايجستف مطحون . 100 جرام زبده . ربع كاس جوز بيكان مطحون . م ك سكر بودره 

اخبزيه في الفرن في حمام مائي  على حراره متوسطه مده ساعه ..
ممكن تضيفين معه صوص الفراوله قبل الفرن .. او تتركيه بعد الفرن اثناء التقديم ..












صوص الفرواله ..


 




ثلاث ارباع علبه المربى نفس النوع الي في الصوره .. بنكهه الكرز او التوت . واضيفي معه كاس فراوله مفرومه فرم خشن .. اتركيهم على النار لما تنشف المويه الي تطلع من الفراوله .. وذوقي اذا يحتاج سكر او لا .. انا اضفت ملعقتين سكر بني خشن

وبالعافيه .. ()