"
مرحبا "
العصير هذا ثقيل شوي وقريب من السموذي ..
استخدمت العسل والسكر البني الخشن ، لاني ابيه يكون صحي ،، فـ انتي لك حريه بـ اختيار الحلا
وبالنسبه للعسل يفضل يكون طبيعي ١٠٠٪ مو تجيبون النوع الرخيص الي طعمه ماادري وش يبي
المقادير : علبه فراوله ..
علبه راز بيري"توت احمر" .... ولك الحريه تضيفين راز بيري زياده
ليمونه خضراء معصوره
ملعقتين عسل
ملعقه سكر بني ..
كاس مويه
اخلطيهم كويس تقريبا دقيقه
ولاتنسين تذوقين السكر اذا تحتاجين زياده ..
وبالعافيه :*
"
المقادير :
ثلاث ارباع الكاس : سكر بني
كاس طحين"منخول"
٨٠ جرام زبده .. او ثلاث اربع اصبع زبده تقريبا بحراره الغرفه .. لاتذوبونها *
م ص بكنج باودر
نصف م ص بكينج صودا
بيضه
فانيلا
نص كاس تشاكليت شيبس هيرشي . وممكن تستخدمون شيبس بينت بيتر او سينامون او اي نكهه تحبونها
الطريقه :
اخفقي البيضه لحالها مده دقيقه تقريبا واضيفي الزبده ثم السكر البني .. اخلطيهم لما يمتزج الخليط كويس .
اضيفي باقي المكونات الجافه واخر شي التشوكلت .
سخني الفرن ٢٠٠ درجه مئويه .. مجرد انك تدخلين الكوكيز الفرن نزلي الحراره وخليها ١٦٠ .. على اول رف خليها بعيد عن النار ..
خليه ١٠ دقايق بالضبظ .. بيكون طري جدا اتركيه لما يبرد .. واسمتمعي بكوكيز طري وهش ولذيذ
ملاحظه : صينيه الفرن الي راح تستخدمينها .. ضروري مايكون لونها اسود ..
